باش غادي ندخلها يا ترى ؟

و أخيراً سوف نجيب عن السؤال الدي حير علماء الصابون البلدي ألا وهو : باش غادي ندخلها يا ترى ؟ و للتدكير فقط، الدخلة هي المرحلة الأولى التي لا مفر منها و رغم جميع الصعوبات والعراقيل وداكشي لي كاتخايلو وكدا... دعني أقول لك عزيزي ال... أنه وجب علينا التحلي بالشجاعة والكفاح من أجل المرور للمرحلة الموالية بهدف تحقيق الإكتفاء الداتي جزئياً.. و من اللخر !! اللي زعم ياكل اللحم !! ولا مازعامتيش ؟؟ غادي نقولك سير حك باش تفوز وغوت أوريكا !! أوريكا !! " خلاها النورس " 

قبل مانبدا فالتفاصيل بغيت نگولك أن فتاة أحلامك كينا فالعالم الواقعي ماشي الإفتراضي !! إلا ادا كان عندك شي زهر مهاور وحتى إلى بقيتي معول عليه تقدر تخاور...

الأمر بسيطٌ للغاية آ بعلول.

دابا فاش كتكون شي بنت تتمشى في الزنقة " مسركلة أولى غادة للخدمة أولى للقراية أولى لي كان... " تقدر توقفها بسهووولة، خاصك غير تدخلها بواحد المستوى كافي من الحماس و التقة في النفس " وهادشي كاتكتاسبو مع الممارسة " و أحسن طريقة للقيام بهاد لعجب !! هي الدخلة المباشرة !! يعني كاتلعبها ساهلة وكتگوليها أنها كاتعجبك بشكل مباشر..

ماشي " ختي كتعجبيييني " !!

لا آ صاحبي هاحنا غادي نزاوقوها شوية وداكشي غادي يبان خفيف ضريف
هاد الستيل ديال الدخلات.. ماكيكونش فيهم قوة التخطيط ولبلانات المعقدة... وكيبينوك انسان صريح ولي فقلبو على لسانو و مافيهش الدغل وتاحراميات...
ولبنات كيحماقو على هاد الدخلة !!

و خاصك تعرف أنك فاش تكون كتقول ليها داك لعجب. خاصك تنال الإنتباه ديالها.. يعني ماخاسكش تبدا تبرگم عليها أولى تهدر بشي صوت مطنطن أولى حنين كتر من لقياس... دير فبالك أنك بارك تمارس فن التطياح على فتاة أحلامك.. آ سي آ سي فيق معنا !!
وباش تكون متأكد أنها غادي تسمع لك بإهتمام خاصك تهدر بصوت واضح فيه شوية ديال الفحولة بلا ماتغاوات أولى دوي تحت مناخرك.. و فشي مواقف إلى كانت عطياك بالضهر تقدر تقيسها فكتفها بكل رقة " وبلا ماتزعزعها " ومباشرةً من بعد ما كادور تشوفيك كاتبوواع لطبون مها على كمارتها !!!

شوف !! هادشي لي قريتيه دابا ما هو إلا في خيالك وليس له وجود على موقع تويشيات

ماعلينا.. الهدرة لي غادي تقولو ماشي مهمة !! لي مهم هو كيفاش غادي تقولو !!

نتا : وطايبتينا بالفهم الخاوية !! طلقنا آ ( كلام فاحش )

هي اللولى :

1) : إلى كانت طاحت عينك فعويناتها من بعيد.. مرة.. و جوج... كتگوليها جملة وحدة لا غير " سلام... بلا مانبدا ندخول ونخرج فالهدرة عجبتني وبغيت نتعرف عليك.. اشنو سميتك "

2) : أما إلى كانت عاطياك بالضهر وماشافتكش... هنا خاصك تعوض دوك النظرات لي ماكانوش و كاتگول :

" سمحي ليا.. كنت معا صحابي لهيه و بنتي ليا.. عجباتني الطريقة لي كاتحركي بيها وكيفاش كاتمشي و الستيل ديالك.. وقليل فين كانشوف شي بنت فيها هاد الأنوثة لي فيك... هادشي لاش جيت نهدر معاك.. وكون ماجيتش كان غادي يبقى فيا الحال... ولكن دبا مزيان... سميتي طان زبدان... "

وبلا مانفكرك !! هاد الدخلة غي باش تبدا الدردشة معاها... و أحسن حاجة فهادشي هي أنك تهدر ليها على دكشي لي كنتي كاديرو ديك الساعة... هادشي إلى كنتي كادير شي حاجة.. إلى ماكنتي كادير والو بلا متگوليها " كنت حاضي العكا ههه "
فوسط الهدرة كتگوليها " ماكرهتش نشوفك لا سومين بخوشين باش نزيد نكتاشفك كتر " هنا ضحك و جبد التيفرنون ديالك و عطيه ليها باش تقيد نمرتها و گول ليها :

غادي ناخود نمرتك باش نعيط لك السيمانة الجاية إلى كان شي وقيت " ماكاطلبهاش تعطيها لك.. كاتئمرها "

وهادشي كامل كتگولو ليها ونتا ضاحك باش تبين ليها أنك كاتستمتع بوقتك... ماشي بحالا كادووز متحان ديال البوليس..

عارف عارف أن هادشي جاك صعيب !! حاجة عادية آ الساط إلى مسبقش لك درتي هاد لعجب... ولكن فاش كادير لخطوة اللولى... تقدر تبدا تضحك على راسك من كترت ماغادي يبان لك داكشي ساهل... لحاجة لي خاصك تقول هي يوقع لي بغى يوقع... يلعن بو العالاااام !!